Հաշվետվություն/2021-01
Վիքպեդիայի 20-ամյակի միջոցառումներ
2021 թվականի հունվարի 15-ին Վիքի հանրությունը տոնեց Վիքիպեդիայի ծննդյան 20-ամյակը։ Ելնելով COVID-19 համավարակից՝ ամենամյա վիքիտոնակատարությունը այս տարի անցկացվեց առցանց։
Վիքիմեդիա Հայաստանը ծննդյան օրվան ընդառաջ սկսեց նվեր-հոդվածների խմբագրաթոն, որտեղ յուրաքանչյուր մասնակից ձգտելու էր մեկ ամսվա ընթացքում հայերեն Վիքիպեդիայում ստեղծել առնվազն 10․000 բայթ ծավալով 20 հոդված։
Խմբագրաթոնի 64 մասնակից ստեղծեցին 671 հոդված, որոնցից 23-ը ստեղծել են 20 և ավելի հոդված։
Վիքի հայ համայնքում Վիքիպեդիայի ծննդյան օրը ավանդաբար անցյալ տարի իրականացված տարբեր վիքի նախաձեռնությունների ամփոփման, համայնքում աչքի ընկած մասնակիցներին հիշատակելու և մրցանակներ հանձնելու օր է։
Առցանց, սահիկաշարով ցուցադրվեց և ամփոփվեց Վիքիպեդիայի 20 տարվա անցած ուղին, որից հետո ներկայացվեցին տարբեր վիքի նախաձեռնություններում, մրցույթներում և խմբագրաթոններում աչքի ընկած մասնակիցներն ու խմբերը, հայտարարվեցին արդյունքներն ու մրցանակները։
Հայտարարվեցին նաև Հայերեն Վիքիպեդիայում հոդվածների ծավալով և քանակով, համայնքային ակտիվությամբ աչքի ընկած և ամենաարդյունավետ արդյունքները ցուցաբերած խմբագիրները։
Վիքիակումբների հաշվետվություն
Հունվար ամսվա ընթացքում վիքիակումբների աշխատանքները շարունակվել են նույն ոգևորվածությամբ։ Ակումբները աշխատել են ինչպես օնլայն, այնպես էլ օֆլայն։ Ամսվա ընթացքում մասնակիցները աշխատել են Վիքիպեդիայում, Վիքդարանում և այլ Վիքինախագծերում։ Իրականացվել են տարբեր ներակումբական միջոցառումներ։
Հունվարի 28-ին Քարվաճառի վիքիակումբի կողմից «Հանդիպում արվեստի հետ» միջոցառման շրջանակներում կազմակերպվել է հանդիպում՝ նվիրված հայ մեծանուն դերասան Վահրամ Փափազյանի կյանքին ու գործունեությանը. այն ներկայացրել է ակումբի խմբագիրներից մեկը:
Հունվարի 15-ին Լեռնապատի վիքիակումբում նշվել է Վիքիպեդիայի 20-ամյակը։ Ամփոփվել են նախորդ տարվա արդյունքները, հայտարարվել են 2020 թվականին ակումբում լավագույն արդյունքները ցուցաբերած խմբագիրները, ամփոփվել է «Շաբաթը մեկ հոդված» նախագծի ներակումբային մասը, որի շրջանակներում շուրջ տասը մասնակիցներ 2020 թվականի ընթացքում առնվազն շաբաթը մեկական հոդված են ստեղծել։
Գորիսի վիքիակումբի մասնակիցները տեսազանգ են ունեցել Երևանի թիվ 189 դպրոցի ավագ դասարանների աշակերտների հետ։ Վերջիններս ծանոթացել են վիքինախագծերին։
Ակումբականներից շատերը մասնակցել են «20 հոդված՝ Վիքիպեդիայի 20-ամյակին» նախագծին, որի շրջանակներում ստեղծել են բավականին շատ հոդվածներ։
Հունվար ամսվա ընթացքում Վիքիակումբները Վիքիդարանում համատեղ կատարել են 78 200 բայթի ներդրում, իսկ հայերեն Վիքիպեդիայում, կատարելով 6133 խմբագրում, ստեղծել են 790 հոդված` ընդհանուր 9 607 845 բայթ ծավալով։
Ամսվա ընթացքում ակումբները համալրվել են 14 նոր մասնակիցներով։
Վիքիակումբների վիճակագրություն
| Վիքիակումբ | Մասնակիցներ | Բնակչություն | Բայթեր+ (պ) | Հոդվածներ (պ) | Բայթեր+ (բ) | Հոդվածներ (բ) | Բայթեր+ (դ) | Ստեղծված (դ) | Սրբագրված (դ) | Հաստատված (դ) |
|---|---|---|---|---|---|---|---|---|---|---|
| Ալավերդի | 70 | 13000 | 1157617 | 101 | 5881 | 10 | 105551 | 31 | 1 | 36 |
| Արևածագ | 66 | 960 | 576281 | 62 | 0 | 0 | 0 | 0 | 0 | 0 |
| Գյումրի (Խրիմյան Հայրիկ 46) | 33 | 121976 | 121451 | 3 | 0 | 0 | 0 | 0 | 0 | 0 |
| Գորիս | 38 | 20300 | 883331 | 124 | 2 | 0 | 0 | 0 | 0 | 0 |
| Դդմաշեն | 25 | 2876 | 605484 | 46 | 0 | 0 | 278225 | 99 | 172 | 21 |
| Լեռնապատ | 101 | 2279 | 2794086 | 187 | 0 | 0 | 261751 | 55 | 53 | 19 |
| Կողբ | 36 | 5300 | 150556 | 20 | 7351 | 15 | 69694 | 19 | 0 | 66 |
| Հացիկ | 17 | 1044 | 888706 | 67 | 0 | 0 | 0 | 0 | 0 | 0 |
| Սպիտակ | 58 | 13000 | 517799 | 23 | 0 | 0 | 50005 | 23 | 29 | 0 |
| Ստեփանակերտ | 23 | 55200 | 105863 | 9 | 0 | 0 | 0 | 0 | 0 | 0 |
| Քարվաճառ | 27 | 500 | 795063 | 79 | 0 | 0 | 0 | 0 | 0 | 0 |
| Արճիս | 11 | 1109 | 220471 | 24 | 0 | 0 | 0 | 0 | 0 | 0 |
| Գոշ | 14 | 1218 | 8690 | 1 | 0 | 0 | 0 | 0 | 0 | 0 |
| Նոյեմբերյան (ավագ դպրոց) | 16 | 5000 | 169170 | 8 | 0 | 0 | 0 | 0 | 0 | 0 |
| Վերին Կարմիրաղբյուր | 8 | 1837 | 395962 | 22 | 0 | 0 | 0 | 0 | 0 | 0 |
| Կիրանց | 12 | 298 | 30096 | 3 | 0 | 0 | 0 | 0 | 0 | 0 |
| Մրգավան | 61 | 1725 | 66573 | 5 | 0 | 0 | 4750 | 1 | 1 | 0 |
| Ընդամենը | 812 | 382051 | 9607836 | 790 | 18707 | 32 | 772296 | 229 | 257 | 142 |