Հաշվետվություն/2019-12
Եվրասիա համալսարանի հետ համագործակցություն
«Վիքիմեդիա Հայաստան» հասարակական կազմակերպության և Եվրասիա միջազգային համալսարանի համագործակցությամբ սեպտեմբերի 15-ին սկսվել է «Վիքիպեդիայի դասընթաց» Եվրասիա համալսարանի Կառավարման ամբիոնի ուսանողների համար։ Պայմանավորվածության համաձայն՝ դասընթացը չորրորդ կուրսի ուսանողների ուսումնական պլանի պարտադիր մասն է կազմում, իսկ երկրորդ և երրորդ կուրսի ուսանողների համար ուսումնական պրակտիկա է հանդիսանում։
«Վիքիմեդիա Հայաստան» կազմակերպության գրասենյակում անցկացվող դասընթացի շրջանակներում ուսանողները ծանոթացել են Վիքիպեդիայի հիմնական գործիքներին և Վիքիպահեստ նկարներ բեռնելուն։ Վիքիպեդիայի սկզբունքներին ծանոթանալուն զուգընթաց չորրորդ կուրսի ուսանողները պետք է խմբագրեին երկուական հոդված՝ մեկը ըստ իրենց ցանկության, իսկ մյուսը՝ ամբիոնի որոշմամբ։ Մասնագիտական հոդվածները ստուգվել և գնահատվել են ամբիոնի դասախոսների կողմից։ Ընդհանուր առմամբ դասընթացին մասնակցել է 5 չորրորդկուրսեցի։ Արդյունքում բարելավվել է 7 և ստեղծվել 1 հոդված։
Չնայած երկրորդ և երրորդ կուրսի ուսանողների համար դասընթացը պետք է ունենար ուսումնական պրակտիկայի բնույթ, ուսանողները կանոնավոր կերպով չեն մասնակցել դասընթացին։ Այնուամենայնիվ, համագործակցությունը շարունակական բնույթ է կրելու։
Վիքիբժիշկ նախագիծ
Կազմակերպության մի շարք անդամներ, ովքեր նաև Երևանի Մխիթար Հերացու անվան բժշկական համալսարանի տարբեր կուրսերի ուսանողներ են, կազմակերպել և իրականացրել են «Վիքիպեդիայի դասընթաց» վերոնշյալ համալսարանի ուսանողների և առողջապահության ոլորտի ներկայացուցիչների համար։ Դասընթացի նպատակն է հարստացնել Հայերեն Վիքիպեդիան որակյալ և վստահելի բժշկական հոդվածներով և ոլորտի ավելի շատ ներկայացուցիչների ներգրավել այս գործընթացում։
Դասընթացին մասնակցելու համար դիմել է ավելի քան 113 մարդ, սակայն ընտրության արդյունքում մասնակիցների թիվը կազմել է 30։ Դասընթացի շրջանակներում մասնակիցները ծանոթացել են Վիքիպեդիայի հիմնական գործիքներին և սկզբունքներին և սկսել են խմբագրել հոդվածներ՝ հիմնականում դրանք ընտրելով «1000 կարևորագույն բժշկական հոդվածների» ցանկից։ Յուրաքանչյուր մասնակից խմբագրելու է երկու հոդված, որոնք պետք է ներկայացվեն հունվար ամսվա կեսերին։ «Վիքիբժիշկ» դասընթացը շարունակական բնույթ է կրելու։
Մարզում մարզիչների համար
Նկատի ունենալով տարբեր ուսումնական, մշակութային և այլ հաստատությունների հետաքրքրությունն ու ցանկությունը տարբեր ձևաչափով Վիքիպեդիան զարգացնելու, և այն ուսումնական գործընթացում ներառելու մեջ՝ Վիքիմեդիա Հայաստանը սկսում է մետանախագիծ՝ Վիքիմարզիչներ։
Նախագծի նպատակն է հզորացնել վիքիհամայնքը, ընդլայնել Վիքիպեդիայի գիտակների շարքերը, ովքեր հնարավորինս լիարժեք կտիրապետեն Վիքիպեդիայի գործիքակազմին և կանոնակարգերին, կունենան այն տարածելու հմտություններ և ցանկություն, ինչպես նաև խմբերի հետ աշխատելու թույլտվություն։
«Մարզում մարզիչների համար» նախագծի առաջին եռօրյա դասընթացը տեղի է ունեցել դեկտեմբերի 20-22-ին Ծաղկաձորում։ Ընդհանուր առմամբ նախագծին մասնակցելու համար դիմել է շուրջ 90 հոգի, սակայն կատարված ընտրության արդյունքում դիմորդներից միայն 50 հոգին է մասնակցել դասընթացին։ Նախագծին մասնակցելու համար տարիքային սահմանափակում չի եղել, ուստիև դասընթացին մասնակցել են ինչպես չափահասներ, այնպես էլ դեռահասներ։ Դասընթացը յուրահատուկ ձևաչափ է ունեցել։ Մասնակիցները բաժանվել են խմբերի և յուրաքանչյուր խումբ փորձել է ներկայացնել իր գիտելիքները Վիքիպեդիայի և այլ նախագծերի վերաբերյալ, իսկ ընդհանուր քննարկման արդյունքում լրացվել է գիտելիքների բացը։ Դասընթացի շրջանակներում շոշափվել են մի շարք հարցեր՝
- Վիքիպեդիայի և Վիքիշարժման գաղափարախոսություն
- Վիքիպեդիա, հինգ սյուներ, հոդվածի կառուցվածք
- Վիքիդարան
- Մասնակցություն համայնքային կյանքին
- Հեղինակային իրավունքը Վիքինախագծերում
- Վիքիտվյալներ հետ ծանոթություն
- Վիքիպահեստի հետ ծանոթություն
Եռօրյա դասընթացը հնարավորություն է տվել մասնակիցներին զարգացնել և խորացնել իրենց գիտելիքները Վիքիպեդիայի և այլ Վիքինախագծերի մասին։ Դասընթացը բարեհաջող է անցել, ուստի այն շարունակական բնույթ է կրելու։
«Վիքին սիրում է հուշարձանները 2019» մրցանակաբաշխություն
Մեկ տարի դադարից հետո սեպտեմբեր ամսին Վիքիմեդիա Հայաստանը մասնակցել է «Վիքին սիրում է հուշարձանները» լուսանկարների ամենամյա մրցույթին։ Մրցույթի ավարտից հետո, որի արդյունքում Վիքիպահեստում վերբեռնվել է ավելի քան 21000 լուսանկար, Վիքիմեդիա Հայաստանը որոշել է մրցանակաբաշխությունն իրականացնել իբրև առանձին միջոցառում և ավելի մեծ չափերով, քան նախորդ տարիներին։ Մրցանակաբաշխությունը տեղի է ունեցել դեկտեմբերի 28-ին։
Ընդհանուր առմամբ մրցանակաբաշխությանը մասնակցել է ավելի քան 40 հոգի՝ հիմնականում «Վիքին սիրում է հուշարձանները» մրցույթի մասնակիցներ և լուսանկարներ վերբեռնողներ։ Մրցանակաբաշխությանը ներկա են եղել նաև երեք լրատվամիջոցներ, որոնք լուսաբանել են միջոցառումը։ Մասնակիցները ներկայացրել են իրենց արշավները և ցույց տվել այդ ընթացքում իրենց կողմից արված լուսանկարները։ Մրցանակաբաշխությանը եղել են մի շարք անվանակարգեր՝ 200-400 լուսանկարներ վերբեռնողներ, 401-1000 լուսանկարներ վերբեռնողներ, 1000-ից ավելի վերբեռնողներ և լուսանկարների լավագույն տասնյակ։
Միջոցառման ավարտին մրցույթին ամենաշատ լուսանկարներ վերբեռնած մասնակիցները, ինչպես նաև լավագույն տասնյակում հայտնված պատկերներ ունեցողները ստացան հետաքրքիր նվերներ՝ մրցույթի ընթացքում բեռնված լուսանկարներից կազմված օրացույց, գրքերի և գրենական պիտույքների նվեր-քարտեր, մրցույթի լոգոյով թերմոսներ և բաժակներ։
Հաղթողներ
-
Լուսանկարիչ՝ User:Vahag851 -
Լուսանկարիչ՝ User:Matthias Süßen -
Լուսանկարիչ՝ User:Matthias Süßen -
Լուսանկարիչ՝ User:Vahag851 -
Լուսանկարիչ՝ User:Սարո Հովհաննիսյան -
Լուսանկարիչ՝ User:Սարո Հովհաննիսյան -
Լուսանկարիչ՝ User:Vahag851 -
Լուսանկարիչ՝ User:Vahag851 -
Լուսանկարիչ՝ User:Սարո Հովհաննիսյան -
Լուսանկարիչ՝ User:Vahag851
Արևմտահայերեն Վիքիպեդիայի խմբագրաթոն
Նոյեմբերի 29-ից դեկտեմբերի 1-ը կազմակերպվել է Արևմտահայերեն Վիքիպեդիայի հերթական առցանց խմբագրաթոնը։ Այս խմբագրաթոնը չի ունեցել հստակ թեմատիկա, և մասնակիցները հիմնականում խմբագրել են հոդվածներ՝ ըստ իրենց նախասիրության։ Ընդհանուր առմամբ, խմբագրաթոնի ժամանակ ստեղծվել է 14 հոդված։
Վիքիակումբների վիճակագրություն
| Վիքիակումբ | Մասնակիցներ | Բնակչություն | Բայթեր+ (պ) | Բայթեր- (պ) | Խմբագրումներ (պ) | Հոդվածներ (պ) | Բայթեր+ (բ) | Բայթեր- (բ) | Խմբագրումներ (բ) | Հոդվածներ (բ) | Բայթեր+ (դ) | Բայթեր- (դ) | Խմբագրումներ (դ) | Ստեղծված (դ) | Սրբագրված (դ) | Հաստատված (դ) |
|---|---|---|---|---|---|---|---|---|---|---|---|---|---|---|---|---|
| Գյումրի (Խրիմյան Հայրիկ 46) | 13 | 121976 | 131337 | 0 | 7 | 4 | 0 | 0 | 0 | 0 | 53532 | -2124 | 34 | 18 | 0 | 34 |
| Ալավերդի | 89 | 13000 | 574815 | -11046 | 350 | 57 | 23701 | -147 | 332 | 22 | 5620 | 0 | 1 | 1 | 0 | 0 |
| Արևածագ | 127 | 960 | 70207 | -149 | 268 | 10 | 41095 | -1972 | 686 | 113 | 49081 | -48 | 36 | 17 | 14 | 21 |
| Գյումրի (Շահումյան 69) | 78 | 121976 | 98147 | 0 | 2 | 0 | 0 | 0 | 0 | 0 | 0 | 0 | 0 | 0 | 0 | 0 |
| Գորիս | 67 | 20300 | 319256 | -1928 | 545 | 28 | 73 | -2 | 10 | 1 | 269998 | -1670 | 288 | 119 | 143 | 135 |
| Դդմաշեն | 87 | 2876 | 2721514 | -60021 | 918 | 81 | 10245 | -2 | 32 | 20 | 58045 | -178 | 114 | 17 | 92 | 22 |
| Լեռնապատ | 312 | 2279 | 1471338 | -26729 | 1973 | 94 | 0 | 0 | 0 | 0 | 239571 | -86918 | 333 | 74 | 281 | 36 |
| Կողբ | 98 | 5300 | 327546 | -4666 | 318 | 42 | 71123 | -579 | 156 | 131 | 8934 | -2319 | 81 | 0 | 69 | 10 |
| Հացիկ | 44 | 1044 | 215973 | -1302 | 80 | 26 | 94956 | -2121 | 276 | 126 | 230936 | -2354 | 727 | 220 | 291 | 22 |
| Մրգավան | 59 | 1725 | 942897 | -37749 | 1480 | 122 | 0 | 0 | 0 | 0 | 4314 | -851 | 92 | 3 | 87 | 2 |
| Սպիտակ | 101 | 13000 | 9921 | -501 | 6 | 4 | 0 | 0 | 0 | 0 | 219198 | -289 | 132 | 81 | 43 | 86 |
| Ստեփանակերտ | 242 | 55200 | 60162 | -2119 | 39 | 6 | 0 | 0 | 0 | 0 | 0 | 0 | 0 | 0 | 0 | 0 |
| Վանաշեն | 49 | 2573 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
| Վարդենիկ | 66 | 9880 | 85319 | -54520 | 506 | 13 | 140 | -264 | 18 | 0 | 0 | 0 | 0 | 0 | 0 | 0 |
| Տող | 81 | 700 | 24 | 0 | 1 | 0 | 0 | 0 | 0 | 0 | 63293 | -5809 | 78 | 17 | 51 | 27 |
| Քարվաճառ | 105 | 500 | 449518 | -415 | 183 | 80 | 43270 | -716 | 397 | 68 | 168796 | -656 | 121 | 52 | 78 | 41 |
| Այգեձոր | 13 | 2608 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
| Արճիս | 8 | 1109 | 33714 | 0 | 1 | 1 | 0 | 0 | 0 | 0 | 238729 | -336 | 172 | 111 | 40 | 130 |
| Բերդ | 24 | 7800 | 2759 | -1 | 4 | 1 | 0 | 0 | 0 | 0 | 320867 | -2789 | 430 | 104 | 76 | 278 |
| Գանձաքար | 6 | 3656 | 45127 | -10 | 14 | 7 | 0 | 0 | 0 | 0 | 0 | 0 | 0 | 0 | 0 | 0 |
| Գոշ | 12 | 1218 | 228681 | -1245 | 43 | 25 | 0 | 0 | 0 | 0 | 14415 | -3 | 10 | 6 | 2 | 7 |
| Լուսահովիտ | 12 | 390 | 0 | 0 | 0 | 0 | 0 | 0 | 0 | 0 | 93 | -45 | 6 | 0 | 0 | 6 |
| Կիրանց | 12 | 298 | 0 | 0 | 0 | 0 | 0 | 0 | 0 | 0 | 381892 | -5333 | 214 | 133 | 8 | 198 |
| Նոյեմբերյան (2-րդ դպրոց) | 13 | 5000 | 22366 | -54 | 8 | 4 | 0 | 0 | 0 | 0 | 0 | 0 | 0 | 0 | 0 | 0 |
| Նոյեմբերյան (ավագ դպրոց) | 18 | 5000 | 70188 | -462 | 18 | 10 | 0 | 0 | 0 | 0 | 0 | 0 | 0 | 0 | 0 | 0 |
| Սարիգյուղ | 7 | 1253 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
| Վերին Կարմիրաղբյուր | 8 | 1837 | 128696 | -1265 | 39 | 17 | 0 | 0 | 0 | 0 | 0 | 0 | 0 | 0 | 0 | 0 |
| Ընդամենը | 1751 | 403458 | 8009505 | -204182 | 6803 | 632 | 284603 | -5803 | 1907 | 481 | 2327314 | -111722 | 2869 | 973 | 1275 | 1055 |
Մամուլի անդրադարձ
Այս ամիս Վիքիմեդիա Հայաստանը Վիքիմեդիա Հիմնադրամի Կրթական ամսագրում հրապարակել է «Վիքիpեդիայի ուսումնասիրության լաբորատորիա Ստեփանակերտի ԹՈՒՄՈ-ում» վերնագրով մեկ նյութ։
Շաբաթօրյա վորքշոփներ
Յուրաքանչյուր շաբաթ Վիքիմեդիա Հայաստանն իր գրասենյակում կազմակերպում է բաց վորքշոփ-խմբագրաթոններ, որին մասնակցում են թե՛ նոր և թե՛ հին խմբագիրներ։ Նոր խմբագիրները փորձառու խմբագիրների օգնությամբ սովորում են խմբագրել տարբեր Վիքիմեդիա նախագծերում։ Վորքշոփին սովորաբար մասնակցում են բոլոր նրանք, ովքեր հետաքրքրված են Վիքիմեդիա նախագծերով, վիքիխմբագրմամբ և նրանք, ովքեր ցանկանում են պարզապես խմբագրել հաճելի միջավայրում։